💥 “भूमिअभिलेख कार्यालयात शेतकऱ्यांचा संताप उसळला; मारेगावात बेमुदत उपोषणाचा एल्गार!

💥 “भूमिअभिलेख कार्यालयात शेतकऱ्यांचा संताप उसळला; मारेगावात बेमुदत उपोषणाचा एल्गार!”

⚡ अनियमितता, गैरवर्तन आणि प्रलंबित कामांवरून प्रशासनाला कडक इशारा; निवेदन देऊन आंदोलनाची घोषणा

मारेगाव सचिन मेश्राम 

मारेगाव– तालुक्यातील भूमिअभिलेख कार्यालयाच्या कामकाजातील कथित अनियमितता, शेतकऱ्यांशी होत असलेले गैरवर्तन आणि दीर्घकाळ प्रलंबित प्रकरणांमुळे शेतकरी व नागरिकांमध्ये तीव्र संताप निर्माण झाला आहे. याच पार्श्वभूमीवर तहसीलदारांना निवेदन देत प्रशासनाला थेट आंदोलनाचा इशारा देण्यात आला आहे.

शिवसेना तालुकाप्रमुख पुरूषोत्तम बुटे, तालुका सचिव दिवाकर सातपुते, यांच्या नेतृत्वाखाली सादर करण्यात आलेल्या निवेदनात भूमिअभिलेख कार्यालयातील कामकाजावर गंभीर आरोप करण्यात आले आहेत. शेतकऱ्यांची कामे वेळेत होत नसल्याने आर्थिक व मानसिक त्रास सहन करावा लागत असल्याचे निवेदनात नमूद आहे.

 प्रमुख आरोप व मागण्या:

शेतकऱ्यांची प्रकरणे दीर्घकाळ प्रलंबित ठेवली जात असल्याचा आरोप

अधिकाऱ्यांकडून अयोग्य वर्तन होत असल्याची तक्रार

ऑनलाइन तारखा जाहीर होऊनही अधिकारी अनुपस्थित राहतात

कार्यालयीन कामकाजात पारदर्शकतेचा अभाव

संबंधित अधिकाऱ्यांवर चौकशी करून तातडीने अहवाल सादर करण्याची मागणी

निवेदनात स्पष्ट करण्यात आले आहे की, मागण्यांकडे दुर्लक्ष केल्यास 16 फेब्रुवारी 2026 रोजी सकाळी 11 वाजल्यापासून भूमिअभिलेख कार्यालयासमोर बेमुदत उपोषण करण्यात येईल.

दरम्यान, निवेदनाच्या प्रती जिल्हाधिकारी यवतमाळ, जिल्हा भूमिअभिलेख अधिकारी व पोलीस प्रशासनाला पाठविण्यात आल्या आहेत. मात्र, या प्रकरणावर प्रशासनाची अधिकृत भूमिका अद्याप स्पष्ट झालेली नाही.