जनतेच्या न्यायासाठी झटणाऱ्या अंकुश माफूर यांच्यावर काँग्रेसने सोपवली मोठी जबाबदारी

• जनतेच्या न्यायासाठी झटणाऱ्या अंकुश माफूर यांच्यावर काँग्रेसने सोपवली मोठी जबाबदारी

राजकारणात पद ही केवळ जबाबदारी नसून जनतेच्या अपेक्षांचे ओझे वाहण्याची संधी असते. याच विश्वासाच्या आणि कार्यकर्तृत्वाच्या बळावर मारेगाव तालुका काँग्रेस कमिटीने युवा व सक्रिय कार्यकर्ते अंकुश रुपराव माफुर यांच्यावर महत्त्वाची जबाबदारी सोपवली आहे. त्यांची मारेगाव तालुका काँग्रेस कार्यकारिणीच्या "तालुका कार्याध्यक्षपदी" अधिकृत नियुक्ती करण्यात आली आहे.

​खासदार प्रतिभाताई धानोरकर यांच्या हस्ते नियुक्तीपत्र प्रदान

​भारतीय राष्ट्रीय काँग्रेस पक्षाच्या विचारधारेप्रती असलेली निष्ठा, संघटन कौशल्य आणि कार्यकर्त्यांमधील सलोखा निर्माण करण्याची क्षमता पाहून ही नियुक्ती करण्यात आली आहे. तालुका काँग्रेस अध्यक्ष वसंतराव आसुटकर यांनी ही घोषणा केली असून, खासदार प्रतिभाताई धानोरकर यांच्या हस्ते अंकुश माफूर यांना नियुक्तीपत्र प्रदान करण्यात आले. ही नियुक्ती २ जून २०२६ पासून अमलात आली आहे.

​ग्रामीण भागातून संघर्षाचा प्रवास

​अंकुश माफूर हे मुळचे ग्रामीण भागातील सरोदी बेड्यावर ३० घरांची वस्ती असलेल्या अत्यंत साध्या परिसरातून येतात. एका छोट्या वस्तीतून येऊन त्यांनी आपल्या जनसेवेच्या जोरावर संपूर्ण तालुक्यात आपली वेगळी ओळख निर्माण केली आहे. सामान्यांच्या प्रश्नांना न्याय मिळवून देण्यासाठी आणि संघर्षाची धार तीव्र करण्यासाठी झटणारा माणूस म्हणून त्यांची ख्याती आहे.

​पक्षाला मिळणार नवसंजीवनी

​या नियुक्तीमुळे तालुक्यातील काँग्रेस संघटनेला नवसंजीवनी मिळण्याची अपेक्षा व्यक्त केली जात आहे. ग्रामीण भागातील कार्यकर्त्यांना एकत्रित करून पक्षाची विचारधारा जनसामान्यांपर्यंत पोहोचवण्याची मोठी जबाबदारी आता अंकुश माफूर यांच्या खांद्यावर आली आहे. "पदापेक्षा कार्य मोठे असते" या भावनेने पक्षश्रेष्ठींच्या मार्गदर्शनाखाली संघटन अधिक मजबूत करण्यासाठी प्रयत्नशील राहू, असा विश्वास त्यांनी व्यक्त केला आहे.

​अंकुश माफूर यांच्या नियुक्तीचे वृत्त समजताच तालुक्यातील काँग्रेस कार्यकर्ते, पदाधिकारी आणि समर्थकांनी त्यांचे अभिनंदन करत पुढील राजकीय व सामाजिक वाटचालीसाठी शुभेच्छांचा वर्षाव केला आहे.