🟥 झरीजामणी येथे आदिवासी परधान समाजाची विचारविनिमय बैठक

🟥 झरीजामणी येथे आदिवासी परधान समाजाची विचारविनिमय बैठक

मुठवा हीरा सुकालिंगो यांच्या पुतळा उभारणीसाठी समिती स्थापन

📍 झरीजामणी (प्रतिनिधी)

झरीजामणी येथे आदिवासी परधान समाजाची महत्त्वपूर्ण विचारविनिमय बैठक दिनांक ८ मार्च रोजी पार पडली. या बैठकीत समाजाचे आराध्य दैवत मानल्या जाणाऱ्या मुठवा हीरा सुकालिंगो यांच्या पुतळ्याची निर्मिती करून तो उभारण्याबाबत सविस्तर चर्चा करण्यात आली.

या पुतळा उभारणीसाठी आवश्यक निधी कसा उभारता येईल यावर उपस्थितांनी विचारविनिमय केला. त्यानुसार समाजातून निधी संकलन करून हा उपक्रम पूर्ण करण्याचा निर्णय बैठकीत घेण्यात आला.

यावेळी पुतळा उभारणीचे काम सुकर व्हावे यासाठी “मुठवा हीरा सुकालिंगो समिती” स्थापन करण्यात आली. समितीमध्ये अध्यक्ष गोपाल मडावी, उपाध्यक्ष राजू सिडाम, सचिव महेश गेडाम व मनोहर कुमरे, कोषाध्यक्ष डॉ. प्रशांत येटे, प्रसिद्धी प्रमुख पवन नैताम, संपर्क प्रमुख मनोहर गेडाम, संघटक अनिल पोयाम यांची निवड करण्यात आली.

तसेच सदस्य म्हणून जीवन पंधरे, सुदाम सोयाम, प्रभाकर कुमरे, डॉ. रविंद्र कुळसंगे, मनोज पोयाम, दत्ता सुरपाम यांची निवड करण्यात आली. समितीच्या सल्लागारपदी विनोद मडावी व श्रीधर कोडापे यांची नियुक्ती करण्यात आली.

या बैठकीला अखिल भारतीय आदिवासी परिषद अध्यक्ष पांडुरंग पोयाम, सामाजिक कार्यकर्ते नान्हूभाऊ कोडापे तसेच सुरपाम भाऊ यांची प्रमुख उपस्थिती होती.