५ हजाराची लाज घेताना सहाय्यक अभियंता अडकला जाळ्यात
राळेगाव तालुक्याला भ्रष्टाचाराची किड : महिन्याची सुरुवात अन् शेवटही एसीबीच्या ट्रॅपने ....
जितेंद्र खोडे - राळेगाव
जिल्ह्यातील अनेक शासकीय कार्यालयातील कर्मचारी भ्रष्टाचाराने बरबटले आहे. ही किड मुळतः नष्ट होणे शक्य नसल्याचे वास्तव आहे. एकाच महिन्यात सुरुवातीला अन् शेवटीही एसीबीच्या झालेल्या कारवाईवरुन सिध्द होते. मिटर बसविण्याकरीता शासकीय शुल्काव्यतिरिक्त अतिरिक्त पाच हजार रुपयांची लाचेची मागणी करणा-या लाचखोर सहाय्यक अभियंत्याला रंगेहाथ पकडण्यात आले. ही कारवाई गुरुवारी (ता. ३०) राळेगाव येथील महावितरण कार्यालयात यवतमाळ लाच लुचपत विभागाने केली. यावेळी एकच खळबळ उडाली आहे.
राळेगाव येथील विज वितरण कार्यालयाच्या उपकार्यकारी अभियंता म्हणून जगदीश श्रीराम ढुमने हे कार्यरत आहे,वर्ग दोन अधिकारी म्हणून ते या ठिकाणी कार्यरत आहे.तक्रारदार यांनी त्यांच्या घरी नव्याने मीटर
लावण्यासाठी संपूर्ण कागदपत्राची पूर्तता करून ते केस पेपर वीज वितरण कार्यालयाच्या संबंधित अधिकाऱ्याला दिले.अनेक दिवस पर्यंत त्या कागदपत्रावर पूर्तता करण्यात आली नाही शेवटी तक्रारदाराने काय अडचण
आहे अशी विचारणा केली असता अभियंता ढुमणे यांनी पाच हजार रुपये लाच मागितली होती.तक्रारदार यांनी या संदर्भात त्यांना होकार दिला आणि 30 जानेवारीला तुम्हाला पाच हजार रुपये आणून देतो असे सांगितले होते.याच कालावधीत तक्रारदार यांनी लाचलुचपत विभाग यवतमाळ यांच्याकडे तक्रार नोंदविली.यवतमाळ कार्यालयाने या ठिकाणी सापळा रुचून संबंधित अधिकाऱ्याला पाच हजार रुपयाची लाच स्वीकारताना रंगेहात पकडले. सदरची कार्यवाही मारुती जगताप पोलीस अधीक्षक, अॅन्टी करप्शन ब्युरो अगरावती, सचिद्र शिंदे अपर पोलीस अधीक्षक अमरावती, पोलीस उपअधीक्षक उत्तम नामवाडे अॅन्टी करप्शन ब्युरो यवतमाळ, यांचे मार्गदर्शनाखाली पोलीस निरीक्षक अर्जुन घनवट आणि पोलीस अंमलदार अतुल मते, अब्दुल वसीम, पोना सचीन
भोयर, सुधीर कांबळे, राकेश सावसाकडे, गोवर्धन बादई व संजय कांबळे सर्व अन्टी करप्शन ब्युरो, यवतमाळ यांनी केली आहे.
मारेगाव वार्ता जावेद शेख राळेगाव यवतमाळ
