घाटंजी तहसिल कार्यालयात रक्तदान शिबीर संपन्न
------------------------------------------------
स. उपजिल्हाधिकारी तथा उप वि.अ.याशनी नागराजन यांचे सह ५९ रक्तदात्यांनी केले रक्तदान.
------------------------------------------------
घाटंजी -राजु चव्हाण
घाटंजी - सामाजिक बांधिलकी जपण्याच्या उद्देशाने घाटंजी तहसिल कार्यालय तसेच तालुका प्रशासनाच्या वतीने दरवर्षी रक्तदान शिबिर आयोजित करण्यात येते, त्याचप्रमाणे आज दि. ३०/०८/२०२३ रोजी रक्तदान शिबिर आयोजित करण्यात आले होते. यावेळी रक्तदाना बरोबरच मरनोत्तर अवयवदानाचा संकल्प देखिल करण्यात आला.
यावेळी सहाय्यक जिल्हाधिकारी तथा उपविभागीय अधिकारी केळापूर याशनी नागराजन, तहसिलदार विजय साळवे, अप्पर तहसिलदार मोहनिश शेलवटकर, न.प. मुख्याधिकारी अमोल माळकर यांनी स्वतः दिपप्रज्वलन व रक्तदान करून रक्तदान शिबीराचे उद्घाटन केले. त्यानंतर तालूका प्रशासनातील विवीध विभागातील अधिकारी, कर्मचारी, तालुक्यातील नागरीक, पोलीस पाटील यांनी रक्तदान शिबीरात रक्तदान करून सहभाग नोंदविला. यावेळी रक्तसंकलनाकरीता श्री. वसंतराव नाईक शासकीय वैद्यकीय महाविद्यालय यवतमाळ येथील रक्तपेढी चमू डॉ. मडावी यांचे मार्गदर्शनाखाली उपस्थित होती व त्यांनी रक्तसंकलन केले रक्तदान शिबिरात ५९ रक्तदात्यांनी रक्तदान केले. त्याचबरोबर पुनर्जीवन फाऊंडेशन च्या वतीने मरनोत्तर अवयवदानाचा संकल्प करण्याकरीता अर्ज उपलब्ध करून देण्यात आले होते तेव्हा दहा व्यक्तींनी या शिबीरात मरनोत्तर अवयवदानाचा संकल्प केला. सामाजिक बांधिलकी व समाजात मोठ्या प्रमाणात रक्तदान व अवयवदान चळवळ उभी राहणे आज काळाची गरज समजून अनेकांनी या शिबिरात योगदान दिला.हे शिबिर यशस्वी करण्यासाठी तालुका प्रशासनाने योग्य नियोजन केले होते.यावेळी रक्तदात्याना मान्यवरांच्या हस्ते प्रमाणपत्र देण्यात आले.
